Iimpawu Zecala Zohola Wendlela
Icala Lokuphuma Langaphambi Kwangaphambili
Apho lumiselwe khona: Kwicala lasekhohlo okanye kwindawo engaphezulu kuhola wendlela, malunga ne-2 km phambi kwendlela yokuphuma.
Injongo: Ukubonisa kwangaphambili ukuba kukho indawo yokuphuma kuhola wendlela ukuya kwiindlela ezithile ezingaphambili.
Okufuneka kwenziwe: Ukuba ufuna ukushiya uhola wendlela, yiya kumzila wasekhohlo ngexesha.
Icala Lokuphuma Langaphambili
Apho lumiselwe khona: Kwicala lasekhohlo lohola wendlela, malunga ne-1 km phambi kwendlela yokuphuma.
Injongo: Ukubonisa kwangaphambili ukuba kukho indawo yokuphuma kuhola wendlela ukuya kwiindawo ezithile ezingaphambili.
Okufuneka kwenziwe: Ukuba ufuna ukushiya uhola wendlela, yiya kumzila wasekhohlo ngexesha.
Icala Lokuphuma
Apho lumiselwe khona: Kwicala lasekhohlo lohola wendlela nakufuphi kangangoko kwindlela yokuphuma.
Injongo: Ukubonisa kanye apho indawo yokuphuma ikhona.
Okufuneka kwenziwe: Shiya uhola wendlela kuphela ukuba ukumzila wasekhohlo.
Icala Lokuphuma Elongezelelweyo
Apho lumiselwe khona: Kwicala lasekhohlo lohola wendlela, malunga ne-500m phambi kwendlela yokuphuma.
Injongo: Ukubonisa kwangaphambili ukuba kukho indawo yokuphuma kuhola wendlela ukuya kwiindawo ezithile ezingaphambili.
Okufuneka kwenziwe: Ukuba ufuna ukushiya uhola wendlela, ngoku kufuneka sele ukumzila osekhohlo ngokupheleleyo.
Ukuphuma Kwegore
Apho lumiselwe khona: Phakathi kwecala lasekunene lendlela yokuphuma nohola wendlela oqhubekayo.
Injongo: Ukubonisa ukwahlulwa phakathi kwendlela yokuphuma nendlela ephambili.
Okufuneka kwenziwe: Dlula ngamaxesha onke ngasekhohlo kwalo phawu lwetrafikhi yendlela ukuba ufuna ukushiya uhola wendlela, nangasekunene ukuba awufuni kushiya.
Uqinisekiso
Apho lumiselwe khona: Kwicala lasekhohlo lendlela malunga ne-750 m emva kokungena kuhola wendlela nasemva koko rhoqo kwi-5 ukuya kwi-10 km.
Injongo: Ukuqinisekisa ukuba usendleleni eya kwiindawo njengoko kuboniswe nokuba ezi ndawo zikwimigama eboniswe.
Okufuneka kwenziwe: Qaphela iindawo kwaye ngokukodwa qaphela imigama ukuze ucwangcise uhambo lwakho lokuzalisa ipetroli nokuphumla.
Pass